Channel 
Contributing € 2
Graciñas 🥰
Graciñas por apoiarnos con este pequeno aporte.
_
A túa participación pode desgravarse! Descobre como facelo AQUÍ.
> 00 Co-financiers
Superamos o 25%!!!
24 | 11 | 2025
Esta noite pasada acadamos a cuarta parte do total necesario para que este proxecto saia adiante. Non o fixemos por obra de maxia, conseguímolo porque todos vós contribuístes coa vosa achega e apoio. O evento do domingo, no que tivemos a sorte de contar con dúas profesionais da saúde mental demostrou a importancia de que existan contos como este e animounos moito a continuar esforzándonos porque ocorra.
Durante meses, Andrea e máis eu estivemos traballando na escolla de obxectos, na simboloxía, nas cores, nun cento de detalles que completasen cada recanto desta obra para que fose algo máis que un conto. Tanto nos mergullamos nel que case se me esqueceran as sutilezas. Porén, dende que lanzamos a campaña e o mostramos ao mundo, tamén na charla logo do evento de onte, todos vós fixésteisme lembrar moitas cousas:
- Que a decisión de crear un ambiente tradicionalmente galego no faiado da Pomba ten máis repercusión do que pensaba. Non é só o feito de vernos reflectidos na literatura que transmitimos ás novas xeracións, é tamén unha forma de crear vínculo entre a infancia e a adultez.
- Que este conto non só serve para axudar a aquelas crianzas que sufran algún tipo de abuso, tamén pretende inspirar empatía naquelas que emiten os abusos, pois a miúdo é unha simple falta de comprensión que pode ser emendada.
- Que un libro como este non é só para pais e nais, tamén é para educadores infantís ou de primaria, para psicólogos, para educadores sociais, para pediatras, para calquera persoa preocupada polo ben estar da infancia.
E sobre todo, que a pesar do compromiso que supón embarcarse nun proxecto deste tamaño, merece a pena, pois unha acaba vendo que o que uns ven como obsesións absurdas, outros valórano como motor de cambio social.
Reitero o noso agradecemento absoluto e pídovos que non nos abandonedes e continuedes difundindo o proxecto en calquera lugar onde a xente comparta esta nosa preocupación. Nós seguiremos loitando por acadar o 100% e así poder entregarvos esta fermosura con todo o noso cariño.
Comments
Inicia sesión para dejar un comentario