Channel 
Contributing £ 6
Colaboro!
Agradecemento personalizado na web do proxecto.
Desgravarías 5,6 € polo que o teu gasto real pode ser 1,4 €. Máis info: https://gl.goteo.org/calculadora-fiscal
> 06 Co-financiers
Traballo medio feito
01 | 02 | 2024
Desculpádenos o eufemismo do título de "medio feito". En realidade, este pequeno artigo é para actualizar a información da marcha do proxecto.
O noso proxecto está formado por catro leiras diferentes, aínda que á hora de realizar o crowdfunding centramos a solicitude de finanzamento na principal: a Leira A Montán. Como é normal, cando veñen as máquinas a traballar para preparar unha das leiras de seguido fixeron os traballos oportunos nas outras: O Cabezo (algo máis pequena que A Montán), A Senra maila Besada, estas dúas con menos da metade do tamaño da Montán.
Se nos seguides nas redes sociais veríades que non tivemos moito acougo durante este inverno, para preparar as leiras. A boa nova é que por fin imos PLANTAR na segunda quincena deste mes de febreiro. Nestes intres están xa feitos os buratos de plantación (tras desbrozar, retirado de troncos, esmiuzado da maleza, arado e reparto de cal magnésica). Toca botar algo de esterco de fondo e, se hai sorte e chove estes días, iso que vai quedando na terra. Senón, estas xeadas van ben para curar e que vai esponxando e aireando.
Tamén temos xa colocados todos os postes da Leira A Montán e o normal é que cando chegue a planta xa estea pechada, polo que teremos unha preocupación menos coa fauna salvaxe local.
Unha boa nova?
Unha veciña ofreceunos cambiar a súa leira que linda coa Montán por outra que ten a nosa familia noutro lugar da aldea. Ímoslle dicir que si porque, con esta leira (na que ten varios castiñeiros) podemos chegar a unha hectárea de superficie. E, o máis interesante, ten por riba un par de leiras abandonadas que suman uns 3000 metros que podemos mirar cos donos se hai posibilidades de facer algo con elas.
Unha mala nova?
Non afecta a esta parte do proxecto, pero si a outra das leiras, A Senra. Vai quedar no medio unha tira de terreo duns 650 metros cadrados (90 x 7 aprox) que tiñamos apalabrada porque nos piden catro veces máis o que consideramos que é o seu valor. Polo menos, xa lles queda limpa por un par de anos, aínda que non van facer nada con ela porque nin lles interesa nin viven alí. Cousas do rural.
Novidades: na nosa idea de I+D+i rural estabamos a deseñar unha instalación de rego por goteo nas leiras. Hai uns días alguén nos falou dun sistema de rego por goteo soterrado, de xeito que a auga vai directamente ás raíces das árbores. Estabamos a darlle volta a algo parecido e, que xa exista no mercado (desde hai 2 ou 3 anos) pareceunos excelente. Vai saír algo máis caro que o outro sistema pero as súas vantaxas son varias: evaporación nula, menor gasto de auga, maior aproveitamento polas raíces.
Seguimos!!
Comments
Inicia sesión para dejar un comentario